சூப்பர் ஸ்டார் ரஜினிகாந்த் நடிப்பில் பிரமாண்ட இயக்குனர் ஷங்கர் இயக்கத்தில் லைகா நிறுவனத்தின் மிகப்பெரிய பட்ஜெட்டில் உருவாகி வரும் '2.0' படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்தில் பாலிவுட் நடிகர் அக்சயகுமார் வில்லனாக நடித்து வருகிறார்.

இந்த வில்லன் கேரக்டருக்கு அர்னால்ட், விக்ரம், உள்பட பல நடிகர்கள் பரிசீலனை செய்யப்பட்டபோதிலும் ஷங்கர் முதலில் இந்த கேரக்டருக்கு அணுகியது உலக நாயகன் கமல்ஹாசனைத்தான். ஆனால் அவர் இந்த படத்தின் கேரக்டரை ஏற்க மறுத்துவிட்டார். ரஜினிக்கு வில்லனாக நடிக்க மறுத்ததன் உண்மையான காரணத்தை சமீபத்தில் கமல்ஹாசன் பேட்டி ஒன்றில் தெரிவித்துள்ளார்.

'2.0 படத்தில் வில்லன் கேரக்டர் என்பதற்காக நான் நடிக்க மறுக்கவில்லை. எத்தனையோ படங்களில் நான் நெகட்டிவ் கேரக்டரில் நடித்துள்ளேன். இந்த படத்தில் நான் நடிக்க மறுத்ததன் காரணம் நானும் ரஜினியும் போட்டுக்கொண்ட ஒப்பந்தம்தான். இருவரும் மீண்டும் இணைந்து நடிப்பதாக இருந்தால் அந்த படத்தை எங்கள் இருவரில் ஒருவர் தயாரிக்க வேண்டும். இதுதான் எங்களுடைய ஒப்பந்தம். இந்த ஒப்பந்தம் காரணமாகவே '2.0' படத்தில் நடிக்கவில்லை என்று கமல் விளக்கமளித்துள்ளார்.