கமல்ஹாசனின் 'சபாஷ் நாயுடு' மீண்டும் தொடங்குவது எப்போது?
Sunday, November 27, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
உலக நாயகன் கமல்ஹாசன் கடந்த மே மாதம் 'சபாஷ் நாயுடு' என்ற படத்தை தமிழ்,தெலுங்கு மற்றும் மலையாளம் என்ற மூன்று மொழிகளில் தொடங்கினார். இந்த படத்தின் இயக்குனர் ராஜீவ்குமார் திடீரென உடல்நலம் குன்றியதை அடுத்து இயக்குனர் பொறுப்பையும் அவரே ஏற்றுக்கொண்டார்.
இந்நிலையில் இந்த படத்தின் படப்பிடிப்பு 60% முடிந்துவிட்ட நிலையில் திடீரென கமல்ஹாசனுக்கு விபத்து ஏற்பட்டு எலும்பு முறிவு ஏற்பட்டது. இதனால் இந்த படத்தின் படப்பிடிப்பு தாமதம் ஆனது. தற்போது அவர் முழுமையாக குணமடைந்து 'சபாஷ் நாயுடு' படத்தின் அடுத்தகட்ட படப்பிடிப்பிற்கு தயாராகி உள்ளார்.
'சபாஷ் நாயுடு' படத்தின் அடுத்தகட்ட படப்பிடிப்பு வரும் டிசம்பர் 15 முதல் விசாகப்பட்டிணத்தில் தொடங்கும் என்றும் அதனை அடுத்து இறுதிக்கட்ட படப்பிடிப்பு சென்னையில் நடைபெறும் என்றும் படக்குழுவினர் தரப்பில் இருந்து செய்திகள் வெளிவந்துள்ளது.
முதல்முறையாக கமல்ஹாசன் தனது மகள் ஸ்ருதிஹாசனுடன் இணைந்து நடித்து வரும் இந்த படத்தில் ரம்யாகிருஷ்ணன், பிரம்மானந்தம் உள்பட பலர் நடிக்கின்றனர். இசைஞானி இளையராஜா இசையமைக்கும் இந்த படத்தை கமல்ஹாசனின் ராஜ்கமல் பிலிம்ஸ் இண்டர்நேஷனல் மற்றும் லைகா நிறுவனம் இணைந்து தயாரிக்கின்றது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments