కమల్ కొత్త సినిమా టైటిల్ ఇదే....
- IndiaGlitz, [Saturday,November 21 2015]
యూనివర్సల్ హీరో కమల్ హాసన్ చీకటిరాజ్యం నవంబర్ 20న విడుదలై మంచి క‌లెక్ష‌న్స్ సాధిస్తుంది. త యాక్షన్స థ్రిల్లర్ గా విడుదలకు సిద్ధమవుతున్న కమల్ అప్పుడే తన తదుపరి చిత్రానికి శ్రీకారం చుట్టాడు. ఈ చిత్రంలో కమల్ సరసన అక్కినేని అమల గెస్ట్ పాత్ర‌లో నటిస్తున్నారు. అమలతో పాటు మరో హీరోయిన్ కూడా నటించనుంది. గతంలో గురు(తమిళంలో సత్య), వెట్రి విళ, పెసుమ్ పడమ్(తెలుగులో పుష్పక విమానం) చిత్రాల్లో వీరిద్దరూ కలిసి నటించారు. దాదాపు పాతికేళ్ళ తర్వాత కమల్ మరోసారి అమలతో కలిసి నటించడానికి రెడీ అవుతున్నారు.
ఈ చిత్రం జనవరి నుండి ప్రారంభం కానుంది. రాజీవ్ కుమార్ దర్శకత్వంలో ఈ సినిమా తెరకెక్కనుంది. వీరి కాంబినేషన్ లో పాతికేళ్ళ క్రితం చాణక్యన్ అనే సినిమా రూపొందింది. ఏదైతేనేం ఇటు హీరోయిన్, అటు దర్శకుడు ఇద్దరితో పాతికేళ్ళ తర్వాత కమల్ కలిసి నటించబోతున్నారు. ఈ కొత్త చిత్రానికి అమ్మ‌నాన్న ఆట అనే టైటిల్‌ను ఫిక్స్ చేశారు. ప్యామిలీ రొమాంటిక్ డ్రామాగా తెర‌కెక్క‌నున్న ఈ చిత్రాన్ని అమెరికాలో చిత్రీక‌రించ‌నున్నార‌ట. ఈ విష‌యాన్ని కమల్ హాసన్ తెలియ‌జేశారు.