கேரள முதல்வர் பினராயி விஜயன் வீட்டில் கமல்ஹாசன்
- IndiaGlitz, [Friday,September 01 2017]
உலக நாயகன் கமல்ஹாசன் கேரள முதல்வர் பினராயி விஜயன் அவர்களை சந்திக்கவுள்ளார் என்ற செய்தியை நேற்று பார்த்தோம். இந்த நிலையில் சற்றுமுன்னர் கேரள முதல்வரின் வீட்டிற்கு கமல்ஹாசன் சென்றார்.
கமல்ஹாசனை வீட்டின் வாசல் வரை வந்து முதல்வரின் குடும்பத்தினர் இன்முகத்துடன் வரவேற்றனர். கமல்ஹாசனுக்கு கைகொடுத்து வரவேற்ற முதல்வர் பினராயி விஜயன் அவரை வீட்டின் உள்ளே அழைத்து சென்றார்.
இந்த சந்திப்பு ஒரு மரியாதை நிமித்த சந்திப்பு என்று கமல் தரப்பில் கூறப்படுகிறது. விரைவில் அரசியல் கட்சியை கமல் ஆரம்பிக்கவுள்ளதாக கூறப்படும் நிலையில் முதுபெரும் அரசியல்வாதி பினராயி விஜயனை கமல் சந்தித்திருப்பது பெரும் ஊகங்களுக்கு இடமளித்துள்ளது