యూనివ‌ర్శిల్ హీరో క‌మ‌ల్ హాస‌న్ చెన్నైలోని త‌న ఆఫీస్ మెట్ల మీద నుంచి జారిప‌డ‌డంతో కాలికి గాయం అయ్యింది. దీంతో క‌మ‌ల్ హాస‌న్ చెన్నైలోని అపోలో హాస్ప‌ట‌ల్ లో చేరారు. క‌మ‌ల్ ని ప‌రీక్షించిన వైద్యులు కంగారు ప‌డ‌వ‌ల‌సిన అవ‌స‌రం ఏమీ లేదు. మూడు వారాలు విశ్రాంతి తీసుకుంటే స‌రిపోతుంద‌ని తెలిపారు. ప్ర‌స్తుతం క‌మ‌ల్ హాస‌న్ శ‌భాష్ నాయుడు సినిమాలో న‌టిస్తున్నారు.

ఈ చిత్రంలో క‌మ‌ల్ భార్య‌గా ర‌మ్య‌కృష్ణ న‌టిస్తుంటే...కూతురుగా శృతిహాస‌న్ న‌టిస్తుంది. ఇటీవ‌లే అమెరికాలో ఓ షెడ్యూల్ పూర్తి చేసుకుంది. విచిత్రం ఏమిటంటే....ఈ చిత్రం షూటింగ్ లోఉండ‌గానే ఈ చిత్ర ద‌ర్శ‌కుడు రాజీవ్ కుమార్ అనారోగ్యంతో హాస్ప‌ట‌ల్ లో చేర‌డం జ‌రిగింది. ఇప్పుడు క‌మ‌ల్ కూడా హాస్ప‌ట‌ల్ లో చేరాల్సి వ‌చ్చింది. ఇదిలా ఉంటే... క‌మ‌ల్ కోలుకున్న త‌ర్వాత శ‌భాష్ నాయుడు తాజా షెడ్యూల్ ప్రారంభించ‌నున్నారు. క‌మ‌ల్ త్వ‌ర‌గా కోలుకుని శ‌భాష్ నాయుడు షూటింగ్ లో పాల్గొంటార‌ని ఆశిద్దాం.