చీకటి రాజ్యం వాయిదా..
- IndiaGlitz, [Monday,November 02 2015]
కమల్ హాస‌న్ న‌టించిన తాజా చిత్రం చీకటి రాజ్యం. ఈ చిత్రంలో కమల్ స‌ర‌స‌న త్రిష న‌టించింది. ప్ర‌కాష్ రాజ్, సంప‌త్ ముఖ్య‌పాత్ర‌లు పోషించారు. ఒక రోజులో జ‌రిగే విభిన్న‌మైన క‌థ‌తో రూపొందించిన చీకటి రాజ్యం చిత్రాన్ని రాజేష్.ఎం సెల్వ తెర‌కెక్కించారు. రాజ్ కమల్ ఫిలిమ్స్ ఇంటర్నేషనల్ బ్యానర్ పై కమల్ సోదరుడు చంద్రహసన్ ఈ చిత్రాన్ని నిర్మించారు. తెలుగు, త‌మిళ్ లో రూపొందిన ఈ చిత్రాన్ని త‌మిళ్ లో తుంగ‌వ‌నం టైటిల్ తో రిలీజ్ చేస్తున్నారు. దీపావళి కానుక‌గా చీకటి రాజ్యం చిత్రాన్ని న‌వంబ‌ర్ 10న విడుదల చేయాల‌నుకున్నారు. అయితే న‌వంబ‌ర్ 11న అఖిల్ మూవీ రిలీజ్ అవుతుండ‌డంతో చీకటి రాజ్యం చిత్రం రిలీజ్ న‌వంబ‌ర్ 20 కి వాయిదా వేసిన‌ట్టు స‌మాచారం. త్వ‌ర‌లోనే అఫిసియ‌ల్ గా చీకటి రాజ్యం రిలీజ్ డేట్ ఎనౌన్స్ చేస్తార‌ట.