இந்துஸ்தான் டைம்ஸ் பத்திரிகையின் விருது விழா மும்பையில் நேற்று இரவு நடைபெற்றது. இந்த விழாவில் உலகநாயகன் கமல்ஹாசனுக்கு சாதனையாளர் விருது வழங்கப்பட்டது.

இந்த விருதை கமல்ஹாசனுக்கு அவருடன் பல திரைப்படங்களில் நடித்த ஸ்ரீதேவி வழங்கினார். ஸ்ரீதேவியிடம் விருதை பெற்று அவரை கட்டியணைத்து கொண்ட கமல், பின்னர் பேசியபோது, 'ஸ்ரீதேவியிடம் இருந்து இந்த விருதை வாங்கியது மகிழ்ச்சியாக இருக்கிறது. எனக்கு மலரும் நினைவுகள் வருகின்றன’ என்று கூறினார். கமல்ஹாசனுடன் ஸ்ரீதேவி, 'சிகப்பு ரோஜாக்கள்', மிண்டும் கோகிலா, குரு, மூன்றாம் பிறை, சத்மா,16 வயதினிலே, வாழ்வே மாயம், வறுமையின் நிறம் சிகப்பு, போன்ற பல வெற்றிப்படங்களில் நடித்துள்ளார் என்பது குறிப்பிடத்தக்கது

இதே விழாவில் ஸ்டைலிஷ் நடிகை விருது தீபிகா படுகோனுக்கும், ஸ்டைலிஷ் நடிகர் விருது ஷாகித் கபூருக்கும், பெண் சாதனையாளர் விருது நடிகை ரேகாவுக்கும், ஸ்டைல் சூப்பர் ஸ்டார் விருது அமிதாப்பச்சனுக்கும் வழங்கப்பட்டது.