மீண்டும் ஒரு ரீமேக் படத்தில் இணையும் கமல்-மோகன்லால்
- IndiaGlitz, [Sunday,August 06 2017]
கமல்ஹாசன் - மோகன்லால் நடிப்பில் கடந்த 2009ஆம் ஆண்டு வெளிவந்து வெற்றி பெற்ற படம் 'உன்னை போல் ஒருவன்'. இந்த படத்தை அடுத்து மீண்டும் ஒரு ரீமேக் படத்தில் கமல்-மோகன்லால் இணையவுள்ளதாக செய்திகள் வெளிவந்துள்ளது.
அக்சயகுமார் நடிப்பில் கடந்த 2012ஆம் ஆண்டு பாலிவுட்டில் வெளிவந்த 'ஓ மை காட்' என்ற இந்தி படத்தின் ரீமேக்கில் கமல் நடிக்கவுள்ளதாக கூறப்படுகிறது. சமீபத்தில் கமல்ஹாசன் பேட்டி ஒன்றில் அறிவித்த 'தலைவன் இருக்கின்றான்' என்ற அரசியல் கலந்த படம் இதுவாகத்தான் இருக்கும் என்றும், இந்த படத்தில் தான் கமல்ஹாசன், மோகன்லால் மீண்டும் இணைந்து நடிக்கவுள்ளதாகவும் கூறப்படுகிறது.
ஓ மை காட்' படத்தின் தெலுங்கு ரீமேக்கில் வெங்கடேஷ், பவன்கல்யாண் நடித்த 'கோபாலா கோபாலா' திரைப்படம் சூப்பர் ஹிட் ஆகிய நிலையில் தமிழில் இந்த படத்தில் கமல்-மோகன்லால் நடிப்பில் உருவானால் நிச்சயம் வெற்றிப்படமாக அமையும் என்று எதிர்பார்க்கப்படுகிறது. இந்த படம் குறித்த அதிகாரபூர்வ அறிவிப்பு மிக விரைவில் வெளிவரும் என்று எதிர்பார்க்கப்படுகிறது.