கமல்ஹாசன் நடிப்பில் உருவாகி வரும் 'சபாஷ் நாயுடு' திரைப்படம் முதல்கட்ட படப்பிடிப்புடன் நின்றுவிட்டது. மேலும் 'இந்தியன் 2' திரைப்படம் இந்த ஆண்டு இறுதியில் படப்பிடிப்பு தொடங்கும் என எதிர்பார்க்கப்படுகிறது. ஷங்கர் படம் என்பதால் குறைந்தபட்சம் ஒருவருடமாவது இந்த படத்தின் படப்பிடிப்பு நடைபெறும், இந்த நிலையில் சமீபத்தில் கமல்ஹாசன் பேட்டி ஒன்றில் 'இந்தியன் 2' படத்திற்கு பின்னர் 'தேவர் மகன் 2' படத்தில் நடிக்கவுள்ளதாக தெரிவித்தார். அனேகமாக இந்த படத்தின் படப்பிடிப்பு 2020ல் தான் தொடங்கும் என தெரிகிறது.

இந்த நிலையில் இன்று சென்னை விமான நிலையத்தில் செய்தியாளர்களுக்கு கமல்ஹாசன் பேட்டியளித்தபோது 'தேவர் சமுதாயத்திற்கு எதிரான படமா 'தேவர் மகன் 2' என்ற கேள்விக்கு பதிலளித்த கமல்ஹாசன், 'தேவர்மகன்2' அனைத்து சாதியினருக்கும் எதிரான படம்”என்று கூறியுள்ளார். அனைத்து சாதியினர்களுக்கும் எதிரான ஒரு படத்திற்கு 'தேவர் மகன்' என்ற டைட்டில் தேவையா? என்பதே நெட்டிசன்களின் கேள்வியாக உள்ளது.

மேலும் நடிகர் விஜய் அரசியலுக்கு வந்தால் வரவேற்பதாகவும், எங்கள் கட்சியில் இணைய விரும்பினால் அவருக்கென்று ஒரு இடம் வழங்கப்படும் என்றும் கமல்ஹாசன் கூறியுள்ளார்.