இளைஞர்களுக்கான யூத் ஒலிம்பிக் போட்டிகள் இந்தியாவில் கடந்த 6ஆம் தேதி தொடங்கி நேற்றுடன் முடிவுக்கு வந்தது. இந்த போட்டியில் இந்தியா 3 தங்கம், 9 வெள்ளி மற்றும் ஒரு வெண்கல பதக்கங்களை வென்றுள்ளது.

நேற்று நடந்த மும்முறை தாண்டும் போட்டியில் தமிழகத்தை சேர்ந்த ப்ரவீண் சித்திரவேல் என்ற இளைஞர் வெண்கலப்பதக்கம் வென்று தமிழ்நாட்டிற்கும் இந்தியாவுக்கும் பெருமை சேர்த்தார்

இந்த நிலையில் சித்திரவேலுக்கு தமிழகம் உள்பட இந்தியா முழுவதும் பாராட்டுக்கள் குவிந்து வரும் நிலையில் நடிகரும், அரசியல் கட்சியின் தலைவருமான கமல்ஹாசன் வாழ்த்து தெரிவித்துள்ளார். அவர் தனது சமூக வலைத்தளத்தில், 'மும்முறை தாண்டும் ஒலிம்பிக் பதக்கம் வென்ற தஞ்சையைச் சேர்ந்த திரு.பிரவீன் சித்ரவேலிற்கு பாராட்டுக்கள். தமிழனென்று சொல்லடா தலை நிமிர்ந்து நில்லடா!' என்று தெரிவித்துள்ளார்.

கமல்ஹாசன் வாழ்த்து தெரிவித்த பின்னர்தான் பலருக்கு ஒரு தமிழர், யூத் ஒலிம்பிக் போட்டியில் பதக்கம் வென்றுள்ளார் என்பது தெரியவந்துள்ளது என்பது குறிப்பிடத்தக்கது.