நவம்பர் 7ல் முக்கிய அறிவிப்பு: கமல்ஹாசன்
- IndiaGlitz, [Thursday,October 26 2017]
உலக நாயகன் கமல்ஹாசன் கடந்த சில மாதங்களாகவே பரபரப்பான அரசியல் கருத்துக்களை டுவிட்டரிலும் பேட்டியிலும் கூறி வந்தார். அவருடைய விமர்சனத்திற்கு தமிழக முதல்வரும் தப்பவில்லை என்பது குறிப்பிடத்தக்கது. கமல்ஹாசனின் ஒவ்வொரு டுவிட்டுக்கும் மக்களின் பேராதரவு இருந்ததை அடுத்து விரைவில் அரசியல் களத்தில் நேரடியாக இறங்கவுள்ளதாக கமல்ஹாசன் அறிவித்தார்.
இந்த நிலையில் வரும் நவம்பர் 7ஆம் தேதி தனது பிறந்த நாளில் முக்கிய அறிவிப்பு ஒன்றை வெளியிடவுள்ளதாக கமல்ஹாசன் அறிவித்துள்ளார். நம் இயக்கத்தார் என்னுடனும், மக்களுடனும் தொடர்பு கொள்ள வசதியாக ஏற்பாடுகள் நடப்பதாகவும், தமிழகத்திற்கு கடமை செய்ய நினைப்பவர்களை இருகரம் கூப்பி வரவேற்பதாகவும் அவர் தெரிவித்துள்ளார்.
இதே நவம்பர் 7ஆம் தேதிதான் திமுக செயல்தலைவர் மு.க.ஸ்டாலின் எழுச்சிப்பயணத்தை ஆரம்பிக்கவுள்ளார். அதுமட்டுமின்றி இந்த தினத்தில்தான் 2G வழக்கின் தீர்ப்பு வெளியாகவுள்ளது என்பது குறிப்பிடத்தக்கது. எனவே நவம்பர் 7ஆம் தேதி தமிழகத்தில் பரபரப்புக்கும் பிரேக்கிங் செய்திகளுக்கும் பஞ்சமிருக்காது என்றே எதிர்பார்க்கப்படுகிறது.