தூத்துக்குடி ஸ்டெர்லைட் ஆலை விவகாரம் தற்போது உச்சத்தில் இருந்து வரும் நிலையில் தேவைப்பட்டால் ஸ்டெர்லைட் ஆலை எதிர்ப்பு போராட்டக்காரர்களுக்கு ஆதரவாக களமிறங்க தயார் என கமல் நேற்று தனது டுவிட்டரில் தெரிவித்திருந்தார். கமலின் இந்த கருத்துக்கு ஆதரவும் எதிர்ப்பும் மாறி மாறி கிடைத்து வருகிறது.

இந்த நிலையில் கமல்ஹாசனின் இந்த கருத்து குறித்து தமிழக பாஜக தலைவர் தமிழிசை செளந்திரராஜன் கூறியபோது, 'உங்களை உருவாக்கிய திரைப்பட தயாரிப்பாளர்களின் போராட்டத்தால் திரைத்துறையின் படைப்பாளிகளும் தொழிலாளர்களும் வேலையிழந்து நிற்பது உங்களுக்கு தெரியுமா.? அவர்களுடன் இருக்கிறீர்களா? என்று கேள்வி எழுப்பியுள்ளார்.

கமல், தமிழிசை டுவீட்டுக்களை அடுத்து கமல் ரசிகர்களும், பாஜக ஆதரவாளர்களும் டுவிட்டரில் கருத்து மோதல்களில் ஈடுபட்டு வருவதால் டுவிட்டர் இணையதளமே பரபரப்பில் உள்ளது.