சூப்பர் ஸ்டார் ரஜினிகாந்த் அவர்கள் அரசியலுக்கு வருவதை உறுதி செய்து, அதற்கான ஆரம்பகட்ட பணிகளையும் தொடங்கிவிட்டார். அதேபோல் உலக நாயகன் கமல்ஹாசன் அவர்களும் ஏற்கனவே அரசியலுக்கு வருவதை உறுதி செய்துவிட்டார். எந்த நேரமும் அவருடைய கட்சி குறித்த அறிவிப்பு வெளிவர வாய்ப்பு உள்ளது.

இந்த நிலையில் வரும் 6ஆம் தேதி மலேசியாவில் நடைபெறும் தென்னிந்திய நடிகர் சங்கத்தின் நட்சத்திரக் கலைவிழாவில் ரஜினி, கமல் இருவரும் பங்கேற்கின்றனர். ரஜினியின் அரசியல் அறிவிப்புக்குப் பின்னர் ரஜினி-கமல் கலந்து கொள்ளும் முதல் விழா என்பதால் இந்த விழாவில் இருவரது பேச்சிலும் அரசியல் இருக்கும் என்று எதிர்பார்க்கப்படுகிறது

இதற்கு முன்னர் ரஜினி-கமல் கலந்து கொண்ட சிவாஜி கணேசன் மணிமண்டப திறப்பு விழாவில் இருவருமே அரசியல் குறித்து பேசினார்கள் என்பது குறிப்பிடத்தக்கது. ஆனால் அதைவிட இந்த விழாவில் அரசியல் கருத்துக்கள் அனல் பறக்கும் என்று எதிர்பார்க்கப்படுகிறது.