மீண்டும் ஒரே மேடையில் ரஜினி-கமல்
- IndiaGlitz, [Wednesday,January 17 2018]
சமீபத்தில் மலேசியாவில் நடந்த நட்சத்திர விழாவில் ரஜினி, கமல் ஒரே மேடையில் தோன்றிய நிலையில் இன்று நடைபெற்ற எம்ஜிஆரின் 'கிழக்கு ஆப்பிரிக்காவில் ராஜூ' என்ற படத்தின் தொடக்க விழாவில் சிறப்பு விருந்தினர்களாக ரஜினிகாந்த் மற்றும் கமல்ஹாசன் கலந்து கொண்டனர்.
உலகம் சுற்றும் வாலிபன்' படத்தை அடுத்து எம்ஜிஆர் நடிக்க திட்டமிட்டிருந்த படம் 'கிழக்கு ஆப்பிரிக்காவில் ராஜூ'. ஆனால் எம்ஜிஆர், தீவிர அரசியலில் இடம்பெற்று தமிழக முதல்வரகவும் பொறுப்பேற்றதால் அவரால் இந்த படத்தில் நடிக்க முடியவில்லை.
எம்ஜிஆரின் இந்த நிறைவேறாத கனவை நிறைவேற்றும் வகையில் முழுக்க முழுக்க அனிமேஷனில் எம்ஜிஆரை வைத்து தயாரிக்க ஐசரி கணேஷ் முன்வந்துள்ளார். இந்த படத்தின் கதை, திரைக்கதை எழுதி அருள்மூர்த்தி இயக்கவுள்ளார். இந்த படத்தின் தொடக்கவிழா இன்று நடைபெற்றது. ரஜினிகாந்த் கிளாப் அடித்து படத்தை தொடங்கி வைத்தார். இந்த விழாவில் ரஜினி, கமல் மட்டுமின்றி எம்ஜிஆருடன் நடித்த மூத்த நடிகைகளான லதா உள்பட ஒருசிலர் கலந்து கொண்டனர்.
ரஜினி, கமல் ஆகிய இருவரும் அரசியல் பிரவேச அறிவிப்பை அடுத்து ஒரே மேடையில் மீண்டும் தோன்றியுள்ளது முக்கியத்துவம் வாய்ந்ததாக கருதப்படுகிறது.