பெரியார் சிலை குறித்து சர்ச்சைக்குரிய கருத்தை பதிவு செய்த எச்.ராஜா, அதன் பின்னர் அந்த கருத்து தன்னுடைய கவனத்திற்கு வராமல் அட்மின் பதிவு செய்த கருத்து என்றும், அதற்காக தான் வருந்துவதாகவும் தெரிவித்தார்.

எச்.ராஜா பதிவு குறித்தும் வருத்தம் தெரிவித்தது குறித்தும் கருத்து தெரிவித்த கமல், அவருடைய வருத்தத்தையும், அட்மின் குறித்து அவர் கூறிய நொண்டிச்சாக்கையும் ஏற்றுக்கொள்ள முடியாது என்றும் கூறினார்.

இந்த நிலையில் இதுகுறித்து இன்று கருத்து கூறிய ரஜினிகாந்த், 'பெரியார் சிலை உடைக்கப்பட்டதும், இதுகுறித்து பேசப்பட்டதும் காட்டுமிராண்டித்தனம் என்றும், இதற்கு ராஜா அவர்கள் வருத்தம் தெரிவித்துவிட்டதால் இத்துடன் இந்த பிரச்சனையை பெரிதாக்காமல் நிறுத்தி கொள்ள வேண்டும் என்று கேட்டுக்கொள்வதாகவும் கூறி கமல் கருத்தில் இருந்து முரண்பட்டுள்ளார்.

ஏற்கனவே தமிழ் வளர வேண்டும் என்றால் தமிழில் பேச வேண்டும் என்று கமலும், தமிழில் பேசினால் மட்டும் தமிழ் வளராது, ஆங்கிலத்தில் புலமை பெற்று தமிழன் வளர்ந்தால்தான் தமிழ் வளரும் என்று ரஜினியும் மாறுபட்ட கருத்துக்களை கூறியிருந்தனர் என்பது குறிப்பிடத்தக்கது.