கமல், ரஜினி எனது நண்பர்கள் இல்லை: சரத்குமார்
- IndiaGlitz, [Thursday,May 17 2018]
புதியதாக அரசியல் கண்டுள்ள கமல்ஹாசன், ரஜினிகாந்த் ஆகிய இருவரையுமே கடந்த சில ஆண்டுகளாக விமர்சனம் செய்து வருபவர்களில் ஒருவர் நடிகரும் அகில இந்திய சமத்துவ மக்கள் கட்சியின் தலைவருமான சரத்குமார் என்பது தெரிந்ததே. குறிப்பாக நடிகர் சங்க தேர்தல் நேரத்தில் கமல்ஹாசனை சரத்குமார் கடுமையாக விமர்சனம் செய்தார்.
இந்த நிலையில் இன்று செய்தியாளர்களை சந்தித்த சரத்குமார் கூறியபோது, 'ரஜினிகாந்த் மற்றும் கமல்ஹாசன் ஆகிய இருவரும் கலைத்துறையில் என்னோடு பயணம் செய்தவர்கள். இருவருமே எனக்கு நண்பர்கள் அல்ல. கலைத்துறையில் எனக்கு நண்பர் என்றால் அது விஜயகாந்த் மட்டுமே என்று கூறியுள்ளார்.
மேலும் வரும் சட்டமன்ற தேர்தலில் இறைவன் நினைத்தால் விஜயகாந்துடன் இணைந்து செயல்படுவோம் என்றும் வரும் சட்டமன்ற தேர்தலில் தென்காசி தொகுதியில் போட்டியிட திட்டமிட்டுள்ளதாக சரத்குமார் கேள்வி ஒன்றுக்கு பதிலளிக்கையில் தெரிவித்தார்.