ஒரே காரில் கமல்-அரவிந்த் கெஜ்ரிவால்: பொதுக்கூட்ட மேடைக்கு புறப்பட்டனர்
- IndiaGlitz, [Wednesday,February 21 2018]
உலக நாயகன் கமல்ஹாசன் இன்று காலை தனது அரசியல் பயணத்தை முன்னாள் ஜனாதிபதி அப்துல்கலாம் இல்லத்தில் இருந்து தொடங்கிய நிலையில் இன்னும் சற்று நேரத்தில் மதுரை பொதுக்கூட்டத்தில் தனது கட்சியின் பெயர் மற்றும் கொள்கைகளை அறிவிக்கவுள்ளார்.
இந்த நிலையில் சில நிமிடங்களுக்கு முன்னர் கமல்ஹாசனின் அரசியல் பொதுக்கூட்டத்தில் கலந்து கொள்வதற்காக டெல்லி முதல்வர் அரவிந்த் கெஜ்ரிவால் மதுரைக்கு வருகை தந்துள்ளார். அவரை நேரில் வரவேற்ற கமல், அவருடன் சில நிமிடங்கள் ஆலோசனை நடத்தினார்
பின்னர் தற்போது இருவரும் ஒரே காரில் பொதுக்கூட்டம் நடைபெறும் மேடைக்கு சென்று கொண்டிருக்கின்றனர். இன்னும் சில நிமிடங்களில் கமல்ஹாசன் கட்சியின் முதல் பொதுக்கூட்டம் ஆரம்பிக்கவிருப்பதால் அதுகுறித்த உடனடி செய்திகளுக்காக இதே இடத்தில் காத்திருங்கள்