ఆ ఊరి పేరు వీర‌భ‌ద్రాపురం. అక్క‌డ ఎన్నిక‌ల ప్ర‌చారం ముమ్మ‌రంగా సాగుతోంది. ఎవ‌రి గుర్తును చూపిస్తూ వారు ప్ర‌చారంలో హ‌డావిడి చేస్తున్నారు. క‌ల్యాణ్ కూడా త‌న ట్యాప్ గుర్తుకే ఓటు వేయ‌మ‌ని వీర‌భ‌ద్రాపురం వాసుల‌ను కోరారు. నేరుగానే కాదు.. పోస్ట‌ర్ల రూపంలోనూ. ఇంత‌కీ ఎవ‌రా క‌ల్యాణ్‌? ఏమిటా వీర‌భ‌ద్రాపురం క‌థ‌? అని అనుకుంటున్నారా? ఆ క‌ల్యాణ్ మ‌రెవ‌రో కాదు.. నంద‌మూరి క‌ల్యాణ్‌రామ్‌.

ఆయ‌న న‌టిస్తున్న తాజా చిత్రం 'ఎం.ఎల్‌.ఎ'లో ఓ గోడ‌కు అంటించిన పోస్ట‌ర్ ప్ర‌స్తావ‌న ఇది. ఎం.ఎల్‌.ఎ అంటే మంచి ల‌క్ష‌ణాలున్న అబ్బాయి అని భాష్యం చెబుతున్నారు ద‌ర్శ‌కుడు ఉపేంద్ర‌మాధ‌వ్‌. బ్లూ ప్లానెట్ ఎంట‌ర్‌టైన్‌మెంట్స్, పీపుల్ మీడియా ఫ్యాక్ట‌రీ సంయుక్తంగా నిర్మిస్తున్న సినిమా ఇది. కాజ‌ల్ అగ‌ర్వాల్ నాయిక‌గా న‌టిస్తోంది. షూటింగ్ దాదాపుగా పూర్తి కావ‌చ్చింది. 'ల‌క్ష్మీ క‌ల్యాణం' త‌ర్వాత నంద‌మూరి క‌ల్యాణ్ రామ్‌, కాజ‌ల్ జంట‌గా న‌టిస్తున్న సినిమా ఇది.