స్టార్ సినిమాటోగ్రాఫర్ తో కల్యాణ్రామ్..
- IndiaGlitz, [Monday,April 02 2018]
నంద‌మూరి క‌ల్యాణ్ రామ్ వ‌రుస అవ‌కాశాల‌తో బిజీ బిజీగా మారుతున్నాడు. ఇటీవ‌ల క‌ల్యాణ్ రామ్ న‌టించిన 'ఎంఎల్ఎ' ఆశించిన ఫలితాన్ని సాధించ‌లేదు. అయితే కూడా కల్యాణ్రామ్ వ‌రుస అవ‌కాశాల‌ను అందుకుంటున్నాడు.
ఇప్పుడు జ‌యేంద్ర దర్శకత్వంలో 'నా నువ్వే' సినిమాతో మే నెల‌లో సంద‌డి చేయ‌బోతున్నాడు. ఇది కాకుండా ప‌వ‌న్ సాధినేని దర్శకత్వంలో ఓ మల్టీస్టారర్ చేయ‌బోతున్నాడు. ఇందులో బాల‌కృష్ణ న‌టిస్తాడ‌ని అంటున్నారు.విరించి వ‌ర్మతో ఓ రొమాంటిక్ ఎంట‌ర్‌టైన‌ర్ చేయ‌బోతున్నాడ‌ని కూడా వార్త‌లు వినిపించాయి.
తాజాగా ప్రముఖ సినిమాటోగ్రాఫర్ గుహ‌న్ దర్శకత్వంలో క‌ల్యాణ్ రామ్ సినిమా చేయ‌బోతున్నాడ‌ని, రీసెంట్‌గా గుహ‌న్ రాసిన స్క్రిప్ట్ విన్న క‌ల్యాణ్ రామ్ సినిమా ప‌ట్ల ఆస‌క్తిగా ఉన్నాడ‌ని అంటున్నారు. మ‌రి వీటిలో ఏ ప్రాజెక్ట్ త్వ‌రగా ప‌ట్ట‌లెక్కుతుందో చూద్దాం.