క‌ళ్యాణ్ రామ్ కోసం హీరోయిన్ ని ఫిక్స్ చేసిన పూరి..
- IndiaGlitz, [Friday,April 15 2016]
డేరింగ్ & డాషింగ్ డైరెక్ట‌ర్ పూరి జ‌గ‌న్నాథ్..ప్ర‌స్తుతం రోగ్ అనే సినిమాని తెర‌కెక్కిస్తున్నారు. మ‌హాత్మ నిర్మాత సి.ఆర్.మ‌నోహార్ అన్న కొడుకు ఇషాంత్ ను రోగ్ సినిమా ద్వారా హీరోగా ప‌రిచ‌యం చేస్తున్నారు. తెలుగు, క‌న్న‌డ భాష‌ల్లో రూపొందుతున్న రోగ్ మూవీ ఇటీవ‌ల క‌ల‌క‌త్తా షెడ్యూల్ పూర్తి చేసుకుంది. ప్ర‌స్తుతం హైద‌రాబాద్ లో షూటింగ్ జ‌రుపుకుంటుంది. ఈ నెలాఖ‌రున చిత్రీక‌రించే సీన్స్ తో రోగ్ షూటింగ్ దాదాపు పూర్త‌వుతుంది.
వ‌చ్చే నెల‌లో నంద‌మూరి క‌ళ్యాణ్ రామ్ తో పూరి సినిమా ప్రారంభించ‌నున్నారు. ఎన్టీఆర్ ఆర్ట్స్ బ్యాన‌ర్ పై రూపొందే ఈ చిత్రంలో క‌ళ్యాణ్ రామ్ ప‌వ‌ర్ ఫుల్ జ‌ర్న‌లిస్ట్ గా న‌టిస్తున్నారు. క‌ళ్యాణ్ రామ్ స‌ర‌స‌న న‌టించే హీరోయిన్ కోసం చాలా మందిని ప‌రిశీలించి..ఫైన‌ల్ గా కృష్ణగాడి వీర ప్రేమ‌గాథ ఫేం మెహ‌రీన్ ని ఫిక్స్ చేసారు పూరి. వ‌చ్చే నెల‌లో ప్రారంభం అయ్యే ఈ చిత్రాన్ని ద‌స‌రా కానుక‌గా రిలీజ్ చేయ‌డానికి ప్లాన్ చేస్తున్నారు.