ఇంట్రస్టింగ్ టైటిల్ రిజిష్టర్ చేసిన కళ్యాణ్ రామ్..!
- IndiaGlitz, [Saturday,January 07 2017]
నంద‌మూరి కళ్యాణ్ రామ్...యంగ్ టైగ‌ర్ ఎన్టీఆర్ తో ఓ భారీ చిత్రాన్ని నిర్మిస్తున్నారు. ఈ చిత్రానికి స‌ర్ధార్ గ‌బ్బ‌ర్ సింగ్ ఫేమ్ బాబీ ద‌ర్శ‌క‌త్వం వ‌హిస్తున్నారు. త్వ‌ర‌లో ఈ చిత్రం షూటింగ్ ప్రారంభించ‌డానికి ప్లాన్ చేస్తున్నారు. ఈ మూవీలో ఎన్టీఆర్ మూడు పాత్ర‌ల్లో క‌నిపించ‌నున్నార‌ని, టైటిల్ న‌ట విశ్వ‌రూపం అంటూ వార్త‌లు వ‌చ్చాయి. ఆ వార్త‌ల‌ను ఎన్టీఆర్ ఆర్ట్స్ ఖండించిన విష‌యం తెలిసిందే. ఇదిలా ఉంటే...తాజాగా నంద‌మూరి కళ్యాణ్ రామ్ ఫిల్మ్ ఛాంబ‌ర్ లో జై ల‌వ‌కుశ అనే టైటిల్ రిజిష్టర్ చేయించారు.
అయితే...ఈ టైటిల్ లో జై ల‌వ కుశ అనే మూడు పేర్లు ఉండ‌డంతో ఈ టైటిల్ ఎన్టీఆర్ కో్సం అంటూ ప్ర‌చారం జ‌రుగుతుంది. మ‌రో వైపు ఎన్టీఆర్ ఆర్ట్స్ బ్యాన‌ర్ లో వేరే హీరోల‌తో కళ్యాణ్ రామ్ ఓ సినిమా నిర్మించ‌నున్నారు. ఈ సినిమాలో కళ్యాణ్ రామ్ కూడా ఓ పాత్ర పోషిస్తున్నాడు. ఈ మూవీ కోసం రిజిష్టర్ చేయించారు అంటూ మ‌రో ప్ర‌చారం జ‌రుగుతుంది. మ‌రి...ఈ టైటిల్ ఎవ‌రి కోసం అనేది తెలియాలంటే కొన్ని రోజులు ఆగాల్సిందే..!