కళ్యాణ్ రామ్ న్యూమూవీ డీటైల్స్..
- IndiaGlitz, [Monday,November 23 2015]
నంద‌మూరి కళ్యాణ్ రామ్ న‌టించిన షేర్ ఏమాత్రం ఆక‌ట్టుకోలేక‌పోయింది. దీంతో త‌దుప‌రి చిత్రంతో ఎలాగైనా స‌రే విజ‌యం సాధించాల‌నుకుంటున్నాడు. ప్ర‌ముఖ నిర్మాత దిల్ రాజు కళ్యాణ్ రామ్ తో ఓ మూవీ ప్లాన్ చేస్తున్నాడు. శ్రీ వెంక‌టేశ్వ‌ర క్రియేష‌న్స్ బ్యాన‌ర్ పై రూపొందే ఈ చిత్రాన్ని నూత‌న ద‌ర్శ‌కుడు హ‌రి తెర‌కెక్కించ‌నున్నారు.
హ‌రి..మిస్ట‌ర్ ప‌ర్ ఫెక్ట్, సుబ్ర‌మ‌ణ్యం ఫ‌ర్ సేల్, ఊపిరి త‌దిత‌ర చిత్రాల‌కు రైట‌ర్ గా వ‌ర్క్ చేసాడు. కళ్యాణ్ రామ్ బాడీ లాంగ్వేజ్ కి త‌గ్గ‌ట్టుగా ఉండే డిఫ‌రెంట్ స్ర్కిప్ట్ ను హ‌రి రెడీ చేసాడు. క‌థ విని కళ్యాణ్ రామ్ గ్రీన్ సిగ్న‌ల్ ఇచ్చారు. ప్ర‌స్తుతం ప్రీ ప్రొడ‌క్ష‌న్ వ‌ర్క్ జ‌రుగుతోంది. త్వ‌ర‌లోనే ఈ మూవీని ప్రారంభించ‌డానికి ప్లాన్ చేస్తున్నారు. కళ్యాణ్ రామ్ నూత‌న ద‌ర్శ‌కుల‌తో వ‌ర్క్ చేసిన అత‌నొక్క‌డే, ప‌టాస్ చిత్రాలు మంచి విజ‌యాలు సాధించాయి. మ‌రి నూత‌న ద‌ర్శ‌కుడు హ‌రితో చేసే మూవీ కూడా కళ్యాణ్ రామ్ కి విజ‌యం అందిస్తుందని ఆశిద్దాం.