పెళ్లి చేసుకోబోతున్న కల్యాణ్ రామ్ హీరోయిన్
- IndiaGlitz, [Saturday,August 17 2019]
కల్యాణ్ రామ్ హీరోగా రూపొందిన 'అభిమన్యు'లో నటించిన హీరోయిన్ రమ్య. తర్వాత తమిళ, కన్నడ భాషల్లో హీరోయిన్‌గా నటించింది. సినిమా రంగం నుండి రాజకీయాల్లోకి ఎంట్రీ ఇచ్చిన రమ్య 2013లో కాంగ్రెస్ పార్టీ తరపున కర్ణాటక మాండ్య ఉప ఎన్నికల్లో పోటీ చేసి పార్లమెంట్ సభ్యురాలిగా విజయం సాధించారు. తర్వాత జరిగిన ఎన్నికల్లో ఓటమి పాలయ్యారు. ప్రస్తుతం కాంగ్రెస్ పార్టీలో కొనసాగుతున్నారు. అయితే ఈమె రాజకీయాల దూరంగా కాబోతున్నారని, తన బాల్య స్నేహితుడు రఫెల్‌ను వివాహం చేసుకుని దుబాయ్‌లో సెటిల్ అవుతారని వార్తలు వినపడుతున్నాయి. అయితే ఈ వార్తలపై ఇంకా రమ్య కానీ ఆమెకు సంబంధించిన వారు స్పందించలేదు.