మ‌ల‌యాళ రీమేక్‌లో కళ్యాణ్ రామ్
- IndiaGlitz, [Wednesday,December 06 2017]
నందమూరి హీరో కళ్యాణ్ రామ్.. ప్రస్తుతం ఎం.ఎల్.ఎ. సినిమాలో నటిస్తున్నారు. ఉపేంద్ర మాధవ్ తొలిసారి మెగా ఫోన్ పట్టుకుని రూపొందిస్తున్న చిత్రం ఇది. గతంలో 'ఆగడు', 'బ్రూస్ లీ' వంటి చిత్రాలకు ఉపేంద్ర ర‌చ‌యిత‌గా పనిచేసారు. కాజల్ అగర్వాల్ హీరోయిన్. మెలోడీ బ్రహ్మ మణిశర్మ మ్యూజిక్ డైరెక్టర్. బ్లూ ప్లానెట్ ఎంటర్‌టైన్‌మెంట్స్‌ పతాకంపై కిరణ్ రెడ్డి, భ‌రత్ చౌదరి నిర్మిస్తున్నారు.
తాజాగా ఈ బ్యానరుపై 'నేనే రాజు నేనే మంత్రి' సినిమా రూపొందించిన విషయం తెలిసిందే. ప్రస్తుతం షూటింగ్ దశలో ఉందీ చిత్రం. అలాగే జయేంద్ర డైరెక్షన్లో కూడా కళ్యాణ్ రామ్ ఓ సినిమా చేస్తున్నాడు. తమన్నా ఇందులో హీరోయిన్. ఈ సినిమా మొదటి షెడ్యూలుని ఈ వారంలో చిత్రీకరించనున్నారు.
ఇదిలా ఉంటే ఈ మధ్య కళ్యాణ్ రామ్.. మలయాళంలో దిలీప్ నటించిన 'రామలీల' సినిమా చూసారంట. ఆ సినిమాని తెలుగులో రీమేక్ చేయడం కోసం మాలీవుడ్ నిర్మాతలతో చర్చల్లో ఉన్నట్లు సమాచారం. ఆ చర్చలు ఫలప్రదం అయితే.. ఆ ప్రాజెక్టు గురించి మరిన్ని విషయాలు వెల్లడి అయ్యే అవకాశం ఉంది.