ఇకపై బలమైన కథాంశం ఉన్న చిత్రాలనే ఎంపిక చేసుకోవాలని కళ్యాణ్ రామ్ డిసైడ్ అయినట్లు తెలుస్తోంది. 118 లాంటి విభిన్నమైన ప్రయత్నంతో హిట్ కొట్టిన కళ్యాణ్ రామ్ ప్రస్తుతం 'బింబిసారా' అనే పీరియాడిక్ టైం ట్రావెల్ మూవీ చేస్తున్నాడు. ఈ చిత్రం భారీ బడ్జెట్ లో తెరకెక్కుతోంది.

అలాగే నిర్మాతగా కూడా కళ్యాణ్ రామ్ రాణిస్తున్నాడు. ఇదిలా ఉండగా కళ్యాణ్ రామ్ తదుపరి చిత్రం గురించి ఆసక్తికరమైన వార్తలు వస్తున్నాయి. నవీన్ అనే డెబ్యూ దర్శకుడు చెప్పిన కథని కళ్యాణ్ రామ్ ఓకె చేసినట్లు టాక్. అభిషేక్ నామ ఈ చిత్రాన్ని నిర్మించనున్నారట.

ఈ చిత్ర కథా నేపథ్యం విభిన్నంగా ఉండబోతున్నట్లు తెలుస్తోంది. దర్శకుడు 1950 బ్యాక్ డ్రాప్ ఎంచుకుని స్పై థ్రిల్లర్ గా ఈ చిత్రాన్ని రూపొంచాబోతున్నట్లు తెలుస్తోంది. ఈ చిత్రంలో కళ్యాణ్ రామ్ 1950 కాలానికి చెందిన గూఢచారిగా కనిపించబోతున్నాడు.

ప్రస్తుతం చర్చల దశలో ఉంది కాబట్టి అధికారిక ప్రకటనకు ఇంకాస్త టైం పట్టే అవకాశాలు ఉన్నట్లు తెలుస్తోంది. బింబిసారా చిత్రంలో కళ్యాణ్ రామ్ వారియర్ కింగ్ గా ఫుల్ యాక్షన్ రోల్ లో కనిపించబోతున్నాడు. ఫస్ట్ లుక్ పోస్టర్స్ సినిమాపై ఆసక్తిని పెంచేసిన సంగతి తెలిసిందే.

క్యాథరిన్ హీరోయిన్ గా నటిస్తున్న ఈ చిత్రానికి మల్లిడి వసిస్ట్ దర్శకుడు. మగధ సామ్రాజ్యం నేపథ్యంలో ఈ చిత్రం ఉండబోతోంది.