చైతన్య - కళ్యాణ్ కృష్ణ సినిమా ప్రారంభం..
- IndiaGlitz, [Friday,April 22 2016]
నాగ చైతన్య ప్ర‌స్తుతం సాహ‌సం శ్వాస‌గా సాగిపో, ప్రేమమ్.. చిత్రాల్లో న‌టిస్తున్నాడు. ఈ రెండు చిత్రాలు దాదాపు షూటింగ్ పూర్తి చేసుకున్నాయి. సాహ‌సం శ్వాస‌గా సాగిపో చిత్రాన్ని మే 27న రిలీజ్ చేయ‌డానికి ప్లాన్ చేస్తున్నారు. ప్రేమమ్ చిత్రాన్ని జులైలో రిలీజ్ చేయ‌నున్నారు. ఇదిలా ఉంటే...నాగ చైతన్య హీరోగా సోగ్గాడే చిన్ని నాయ‌నా ఫేం కళ్యాణ్ కృష్ణ ద‌ర్శ‌క‌త్వంలో రూపొందే చిత్రాన్ని పూజా కార్య‌క్ర‌మాల‌తో ఈరోజు అన్నపూర్ణ స్టూడియోలో ప్రారంభించారు.
ఈ చిత్రాన్ని అన్నపూర్ణ స్టూడియోస్ బ్యానర్ పై నాగార్జున నిర్మిస్తున్నారు. ఫ్యామిలీ ఎంట‌ర్ టైన‌ర్ గా రూపొందే ఈ చిత్రం రెగ్యుల‌ర్ షూటింగ్ త్వ‌ర‌లో ప్రారంభించ‌నున్నారు. చెన్నైలో ప్రేమమ్ షూటింగ్ లో బిజీగా ఉండ‌డం వ‌ల‌న చైతన్య ఈరోజు జ‌రిగిన సినిమా ప్రారంభోత్సవంకు హాజ‌రు కాలేదు. కింగ్ నాగార్జున ఈ సినిమా ప్రారంభోత్స‌వంలో పాల్గొన్నారు.