క‌ల్యాణ్ దేవ్ 'విజేత'
- IndiaGlitz, [Wednesday,May 23 2018]
మెగాస్టార్ చిరంజీవి చిన్న‌ల్లుడు క‌ల్యాణ్ దేవ్ హీరోగా ఓ సినిమా రూపొందుతోన్న సంగ‌తి తెలిసిందే. వారాహి చ‌ల‌న చిత్రం బ్యాన‌ర్‌పై రాకేశ్ శ‌శి ద‌ర్శ‌క‌త్వంలో సాయి కొర్ర‌పాటి సినిమా తెర‌కెక్కుతోంది. ఈ చిత్రానికి 'విజేత' అనే టైటిల్‌ను ఖ‌రారు చేశారు.
రొమాంటిక్ ఎంట‌ర్‌టైన‌ర్‌గా రూపొందుతోన్న ఈ చిత్రానికి సంబంధించిన టైటిల్ లుక్‌ను ఈరోజు విడుద‌ల చేశారు. ఇత‌రుల ముఖాల్లో న‌వ్వుల‌ను పూయించ‌డం కూడా ఓ విజ‌య‌మే అనే లైన్ కూడా ఈ పోస్ట‌ర్‌లో ఉంది.
చిరంజీవి సినిమా కెరీర్‌లో వ‌న్ ఆఫ్ ది బెస్ట్ మూవీగా నిలిచిన విజేత సినిమా టైటిల్‌నే ఈ సినిమాకు కూడా పెట్టారు. ప్ర‌స్తుతం పోస్ట్ ఫ్రొడ‌క్ష‌న్ కార్య‌క్ర‌మాలు జ‌రుగుతున్నాయి. 'ఎవ‌డే సుబ్ర‌మ‌ణ్యం' ఫేమ్ మాళ‌వికా నాయ‌ర్ హీరోయిన్‌గా న‌టిస్తుంది.