శ్రీ కొణిజేటి రోశయ్య ఆవిష్కరణలో 'కల్పనా 3' పోస్టర్
- IndiaGlitz, [Thursday,March 30 2017]
ప్రియ‌మ‌ణి ఈజ్ బ్యాక్‌. టాలీవుడ్‌లో ద‌శాబ్ధం పైగా ఎన్నో విజ‌య‌వంత‌మైన చిత్రాల్లో న‌టించిన ప్రియ‌మ‌ణి కాస్త గ్యాప్ త‌ర్వాత మ‌ళ్లీ తిరిగి వ‌స్తోంది. ఎ, ఉపేంద్ర, క‌న్యాదానం, సూప‌ర్‌ వంటి విల‌క్ష‌ణ‌మైన సినిమాలతో తెలుగులో త‌న‌కంటూ ఓ ప్ర‌త్యేక స్థానం సంపాదించుకున్న ఉపేంద్ర ఇటీవ‌లే 'స‌న్నాఫ్ స‌త్య‌మూర్తి' చిత్రంలో ఓ వైవిధ్య‌మైన పాత్ర‌లో న‌టించి ఆక‌ట్టుకున్నారు.
ఇప్పుడు ఈ ఇద్ద‌రి క‌ల‌యిక‌లో ఓ సినిమా తెలుగులో వ‌స్తోంది. ఉపేంద్ర - ప్రియ‌మ‌ణి నాయ‌కానాయిక‌లుగా న‌టించిన 'కల్పనా 3' పోస్ట‌ర్‌ని మాజీ గ‌వ‌ర్న‌ర్ శ్రీ కొణిజేటి రోశయ్య ఉగాది సందర్భంగా నేడు హైద‌రాబాద్‌లో లాంచ్ చేశారు. ప‌లు విజ‌య‌వంత‌మైన చిత్రాల్ని తెలుగు ప్రేక్ష‌కుల‌కు అందించిన తుమ్మ‌ల‌ప‌ల్లి రామ‌స‌త్య‌నారాయ‌ణ ఏప్రిల్ 21న తెలుగులో ఈ సినిమాని రిలీజ్ చేస్తున్నారు. సీనియ‌ర్ న‌టి తుల‌సీ ఓ కీల‌క‌పాత్ర‌లో న‌టించిన ఈ చిత్రానికి ఆర్‌. ఉద‌య‌రాజ్ ద‌ర్శ‌క‌త్వం వ‌హించారు.