பிரபாஸ், கமல்ஹாசன், அமிதாப்பச்சன் நடிப்பில் உருவான ‘கல்கி 2898 ஏடி’திரைப்படம் கடந்த வியாழக்கிழமை உலகம் முழுவதும் பிரமாண்டமாக வெளியான நிலையில் இந்த படம் முதல் நாளே 191.50 கோடி ரூபாய் வசூல் செய்து சாதனை செய்தது என்பதை ஏற்கனவே பார்த்தோம்.

இதனை அடுத்து இரண்டு நாள் வசூல் 298.50 கோடி ரூபாய் என படக்குழுவினர்கள் நேற்று அதிகாரப்பூர்வமாக அறிவித்தனர் என்பதும் இதனை அடுத்து இரண்டே நாளில் கிட்டத்தட்ட 300 கோடி ரூபாய் இந்த படம் வசூல் செய்து சாதனை செய்தது என்பது குறிப்பிடத்தக்கது.

இந்த நிலையில் தற்போது நேற்று அதாவது மூன்றாவது நாள் குறித்த வசூல் தெரிய வந்துள்ள நிலையில் மூன்றாவது நாளில் மட்டும் கிட்டத்தட்ட 100 கோடி ரூபாய் ‘கல்கி 2898 ஏடி’ திரைப்படம் வசூல் செய்துள்ளதாக தெரிகிறது. இதே போல் இன்றும் வசூல் செய்தால் நான்கு நாட்களில் கிட்டத்தட்ட 500 கோடி ரூபாய் வசூல் நெருங்கும் என்பது குறிப்பிடத்தக்கது.

கல்கி படத்தின் மொத்த பட்ஜெட் 600 கோடி ரூபாய் என்று கூறப்படும் நிலையில் 4 நாட்களில் 500 கோடி ரூபாய் வசூல் செய்து விடும் என்று எதிர்பார்க்கப்படுவதால் படக்குழுவினர் மகிழ்ச்சியாக உள்ளனர்.

பிரபாஸ் படத்தின் இந்த வெற்றி அவரது அடுத்த அடுத்த படங்களின் எதிர்பார்ப்பை அதிகரிக்கும் என்பதும் குறிப்பாக ’கண்ணப்பா’ உள்ளிட்ட சில படங்கள் அவருக்கு மிகவும் பிரம்மாண்டமாக அமைய உள்ளன என்பதும் குறிப்பிடத்தக்கது.