சூப்பர் ஸ்டார் ரஜினிகாந்த் நடித்த 'கபாலி' படத்தில் முக்கிய வேடத்தில் நடித்து ரஜினிகாந்த் உள்பட அனைவரின் பாராட்டுக்களையும் பெற்றவர் கலையரசன். கோலிவுட் திரையுலகில் முன்னணி இடத்தை நோக்கி சென்று கொண்டிருக்கும் இவர் நடித்த 'எய்தவன்' படம் கடந்த சில மாதங்களாக படப்பிடிப்பு மற்றும் போஸ்ட் புரடொக்ஷன்ஸ் பணிகள் நடந்து கொண்டிருந்த நிலையில் தற்போது இந்த படத்தின் ரிலீஸ் தேதி அறிவிக்கப்பட்டுள்ளது.

'எய்தவன்' திரைப்படம் வரும் மே மாதம் 5ஆம் தேதி ரிலீஸ் ஆகவுள்ளதாக அதிகாரபூர்வமாக அறிவிக்கப்பட்டு அதை உறுதி செய்யும் வகையில் ரிலீஸ் தேதியுடன் கூடிய போஸ்டரும் சில நிமிடங்களுக்கு முன்னர் இணையதளங்களில் வெளியாகியுள்ளது.,

கலையரசனுக்கு ஜோடியாக 'பிச்சைக்காரன்' நாயகி சாட்னா டைட்னஸ் நடித்து வரும் இந்த படத்தில் வேல ராமமூர்த்தி, ஆடுகளம் நரேன், உள்பட பலர் நடித்துள்ளனர். இந்த படத்தை சக்தி ராஜசேகரன் இயக்கியுள்ளார். பார்த்தன் பார்கோ இசையமைத்துள்ள இந்த படத்திற்கு பிரேம்குமார் ஒளிப்பதிவும், அலென் படத்தொகுப்பும் செய்துள்ளார்.