'கபாலி' நடிகருடன் இணையும் 'பிச்சைகாரன்' நாயகி
- IndiaGlitz, [Monday,February 29 2016]
விஜய் ஆண்டனி நடித்த 'பிச்சைக்காரன்' திரைப்படம் வரும் மார்ச் 4ஆம் தேதி ரிலீஸ் ஆகவுள்ளது உறுதியாகிவிட்ட நிலையில் இந்த படத்தின் புரமோஷன்கள் விறுவிறுப்பாக நடந்து வருகிறது. விஜய் ஆண்டனியின் தொடர் வெற்றி, யூ சர்டிபிகேட் மற்றும் வரிவிலக்கு ஆகியவை இந்த படத்திற்கு பாசிட்டிவ் ஆக இருக்கும் நிலையில் இந்த படத்தின் ஹீரோயின் சாட்னா டைட்டஸ் அவர்கள் புதிய தமிழ்ப்படம் ஒன்றில் நடிக்க ஒப்பந்தமாகியுள்ளார்.
பா.ரஞ்சித் இயக்கிய 'மெட்ராஸ்' படத்தில் நடித்து பாராட்டுகளைக் குவித்து, மீண்டும் அவர் இயக்கியுள்ள 'கபாலி' படத்திலும் ஒரு முக்கிய கேரக்டரில் நடித்துள்ள கலையரசன் ஹீரோவாக நடிக்கும் படத்தில்தான் சாட்னா டைட்டஸ் ஹீரோயினியாக நடிக்க ஒப்பந்தமாகியுள்ளதாக கூறப்படுகிறது. இந்த படத்திற்கு 'எய்தவன்' என்ற டைட்டில் வைக்கப்பட்டுள்ளது.
மதயானைக்கூட்டம்' படத்தை இயக்கிய விக்ரம் சுகுமாறனிடம் உதவி இயக்குனராக இருந்த சுதாகர் இயக்கவுள்ள இந்த படம் விறுவிறுப்பான ஆக்சன் படம் என்றும் இந்த படத்தில் சாட்னா டைட்டஸ் போலீஸ் கேரக்டரில் நடிக்கவுள்ளதாகவும் தகவல்கள் வந்துள்ளது.