விஜய் டிவியில் உள்ள நிகழ்ச்சிகளில் அவ்வப்போது பிராங்க் செய்யப்படும் என்பதும் சமீபத்தில் கூட சூப்பர் சிங்கர் நிகழ்ச்சியில் போட்டியாளர்களில் ஒருவரான பூஜாவின் உறவினர் டிஜே பிளாக்கை பிராங்க் செய்த வீடியோ வைரலானது என்பதை பார்த்தோம்.

இந்த நிலையில் தற்போது ’கலக்கப்போவது யாரு சாம்பியன் சீசன் 4 ’நிகழ்ச்சியிலும் இது போன்ற ஒரு பிராங்க் நடந்துள்ளதாக வீடியோ வெளியாகியுள்ளது இந்த வீடியோவில் பிக் பாஸ் போட்டியாளர்களின் ஒருவர் தனலட்சுமியுடன் நிஷா வாக்குவாதம் செய்து கொண்டிருந்தபோது ஒரு கட்டத்தில் ’நான் வெளியே போகப் போகிறேன்’ என்று தனலட்சுமி கூறினார்.

அப்போது ’மேடம் நீங்க வெளியே போகிறீர்களா? என பாலா கேட்ட போது தனலட்சுமி, ‘ ஆமாம் வெளியே போகிறேன்’ என்று சொன்னார். அப்போது பாலா ’தாராளமாக நீங்கள் போகலாம்’ என்று சொல்ல அருகில் இருந்து அமுதவாணன், ‘ஏ பாலா ஏன் இப்படி சொல்கிறாய் என்று கேட்டார். இதற்கு பாலா ஏற்கனவே நாங்க பேசி வைத்திருக்கிறோம், இது பிராங்க்’ என்று சொல்ல உடனே அனைவரும் எழுந்து ஆட்டம் போட்டனர்.

இதனை அடுத்து நடுவர்களை ஒருவர் ரேஷ்மா ’என்னய்யா இது எப்ப பார்த்தாலும் பிராங்கி என்று சொல்லி கொண்டே இருக்கிறீர்கள், எனக்கு இது வெறுப்பாக உள்ளது, நான் வெளியே போகிறேன், இந்த நிகழ்ச்சியே எனக்கு வேண்டாம்’ என்று கோபமாக கூறுகிறார். உடனே அருகில் இந்த மதுரை முத்து அவரை சமாதானப்படுத்தியும் அவர் சமாதானம் ஆகவில்லை.

இந்த வீடியோவை விஜய் டிவி தனது டுவிட்டர் பக்கத்தில் பதிவு செய்து ’இதுவும் பிராங்காக தான் இருக்கும்’ என்று தன்னை தானே கலாய்த்து கொண்டது பரபரப்பை ஏற்படுத்தி உள்ளது.

இதுவும் Prank ah தான் இருக்கும்.. 🤣

கலக்கப்போவது யாரு Champions Season 4 - வரும் ஞாயிறு மதியம் 1.30 மணிக்கு நம்ம விஜய் டிவில.. #KPYChampions4 #KPY #KPYChampions #VijayTV pic.twitter.com/irRr4x1T6p

— Vijay Television (@vijaytelevision) April 21, 2023