சுந்தர் சி இயக்கத்தில் உருவான ’கலகலப்பு’ திரைப்படத்தில் காமெடி நடிகராக நடித்த கோதண்டராமன் என்பவர் காலமான நிலையில், அவரது மறைவுக்கு திரையுலகினர் இரங்கல் தெரிவித்து வருகின்றனர்.

ஸ்டண்ட் மாஸ்டர் மற்றும் நடிகர் கோதண்டராமன் ஏராளமான திரைப்படங்களில் குணச்சித்திர மற்றும் காமெடி கதாபாத்திரங்களில் நடித்துள்ளார். குறிப்பாக, சுந்தர் சி யின் ’கலகலப்பு’ திரைப்படத்தில் சந்தானம் குழுவினர்களில் ஒருவராக நடித்திருந்தார். இந்த திரைப்படம் அவருக்கு ஒரு திருப்புமுனையை ஏற்படுத்தியது என்பது குறிப்பிடத்தக்கது.

இந்த நிலையில், உடல்நலக்குறைவு காரணமாக பெரம்பூரில் உள்ள தனது இல்லத்தில் நேற்று இரவு கோதண்டராமன் காலமானார். அவரது இறுதி சடங்கு இன்று நடைபெற உள்ளதாக அறிவிக்கப்பட்டுள்ளது. அவருடைய மறைவுக்கு ஸ்டண்ட் யூனியன் மற்றும் திரையுலகினர் இரங்கல் தெரிவித்து வருகின்றனர்.