20 நாட்களில் இத்தனை கோடியா? கரன்சியை கொட்டிய 'கலகலப்பு 2'
- IndiaGlitz, [Tuesday,February 27 2018]
சுந்தர் சி இயக்கத்தில் ஜீவா, ஜெய், சிவா, நிக்கி கல்ராணி, கேதரின் தெரசா நடித்த 'கலகலப்பு 2' திரைப்படம் வெளியான நாளில் இருந்து நல்ல விமர்சனத்தை பெற்று வரும் நிலையில் இந்த படத்தின் 20 நாட்கள் வசூல் நிலவரம் குறித்த தகவல் தற்போது வெளிவந்துள்ளது.
இந்த படம் கடந்த 20 நாட்களில் சுமார் ரூ.20 கோடி வசூல் செய்துள்ளது. சராசரியாக நாள் ஒன்றுக்கு ஒரு கோடி வசூல் செய்துள்ள இந்த படம் சென்னையில் ரூ.3.85 கோடியும், செங்கல்பட்டில் ரூ.6.95 கோடியும், கோவையில் ரூ.4.3 கோடியும், நெல்லை-குமரியில் ரூ.68 லட்சமும், மதுரை-ராமநாட் பகுதியில் ரு.1.75 கோடியும் வசூல் செய்துள்ளது.
இந்த படம் பட்ஜெட்டையும் தாண்டி வசூல் செய்துள்ளதால் இந்த ஆண்டின் வெற்றிப்பட பட்டியலில் இணைந்துள்ளது. மேலும் வேறு முன்னணி நடிகர்களின் புதிய படங்கள் ரிலீஸ் இல்லாததாலும், வரும் மார்ச் 1ஆம் தேதி முதல் தயாரிப்பாளர்கள் சங்கத்தின் வேலைநிறுத்தம் காரணமாகவும், இந்த படம் இன்னும் சில நாட்கள் தமிழகத்தில் ரிலீஸ் ஆன அனைத்து திரையரங்குகளில் ஓடும் என்று எதிர்பார்க்கப்படுகிறது.