மார்ச் 1ஆம் தேதியில் இருந்து புதிய திரைப்படங்கள் வெளிவராததால் ஏற்கனவே வெளிவந்த சுந்தர் சியின் 'கலகலப்பு 2 மற்றும் ஜோதிகாவின் 'நாச்சியார்' ஆகிய படங்கள் சென்னையில் இன்னும் வெற்றிநடை போட்டு வருகிறது.

சுந்தர் சியின் 'கலகலப்பு 2' திரைப்படம் கடந்த பிப்ரவரி 9ஆம் தேதி வெளியாகி நேற்று வரை சென்னையில் மட்டும் ரூ.4,76,33,735 வசூலாகியுள்ளது. இன்னும் ஒருசில நாட்களில் ரூ.5 கோடி வசூலை நெருங்கிவிடும் என்பது குறிப்பிடத்தக்கது.

அதேபோல் ஜோதிகாவின் 'நாச்சியார் திரைப்படம் பிப்ரவரி 16ஆம் தேதி ரிலீஸ் ஆகி நேற்று வரை ரூ.2,62,90,446 சென்னையில் மட்டும் வசூலாகியுள்ளது. இந்த படமும் விரைவில் ரூ.3 கோடி இலக்கை எட்டும் என்று எதிர்பார்க்கப்படுகிறது.

இருப்பினும் இரண்டு திரைப்படங்களும் 60 முதல் 65 சதவிகித பார்வையாளர்களை மட்டுமே கொண்டுள்ளதால் விரைவில் வேலைநிறுத்தம் முடிந்து புதிய திரைப்படங்கள் வெளியாக வேண்டியது அவசியமாக கருதப்படுகிறது.