சூர்யா, கீர்த்திசுரேஷ் நடிப்பில் விக்னேஷ் சிவன் இயக்கி வரும் 'தானா சேர்ந்த கூட்டம்' படத்தின் படப்பிடிப்பு இறுதிக்கட்டத்தில் உள்ள நிலையில் இந்த படத்தின் 'சொடக்கு' பாடல் டீசர் நேற்று வெளியாகி நல்ல வரவேற்பை பெற்றது.

இந்த நிலையில் இந்த படத்தில் ஏற்கனவே ஒரு நட்சத்திர கூட்டமே நடித்து வரும் நிலையில் 'கபாலி 'நடிகர் கலையரசனும் இணைந்துள்ளதாக தகவல்கள் வெளிவந்துள்ளது.

இந்த தகவலை படக்குழுவினர் உறுதி செய்துள்ளனர். 'தானா சேர்ந்த கூட்டம்' படத்தில் கலையரசன் கெளரவ வேடத்தில் நடித்துள்ளதாகவும், இந்த படத்தில் அவரது கேரக்டர் படத்தின் திருப்புமுனைக்கு உதவும் கேரக்டர் என்றும் கூறியுள்ளனர்.

கலையரசன் தற்போது சி.இ.குமார் தயாரிப்பில் அறிமுக இயக்குனர் ஜானகிராமன் இயக்கத்தில் ஹீரோவாக இன்னும் டைட்டில் வைக்கப்படாத ஒரு படத்தில் நடித்து வருகிறார் என்பது குறிப்பிடத்தக்கது.