பொங்கல் ரேசில் இருந்து விலகிய படத்திற்கு 'யூ' சான்றிதழ்
- IndiaGlitz, [Saturday,January 07 2017]
இளையதளபதி விஜய் நடித்துள்ள 'பைரவா' படம் வரும் பொங்கல் விருந்தாக உலகம் முழுவதும் பிரமாண்டமாக வெளியாகவுள்ளது. இந்த படத்துடன் சுமார் பத்து படங்கள் வரை வெளியாகவுள்ளதாக கடந்த மாதம் அறிவிக்கப்பட்டிருந்தது. அவற்றில் ஒன்றுதான் கலையரசன் நடித்த 'அதே கண்கள்'
தற்போது 'அதே கண்கள்' உள்பட பல படங்கள் பொங்கல் ரேசில் இருந்து விலகி, வரும் பொங்கலுக்கு மூன்று படங்கள் மட்டுமே வெளியாகவுள்ளது.
இந்நிலையில் 'அதே கண்கள்' திரைப்படத்தின் சென்சார் தகவல்கள் தற்போது வெளிவந்துள்ளது. இந்த படத்திற்கு சென்சார் அதிகாரிகள் 'யூ' சான்றிதழ் அளித்துள்ளனர்.
கலையரசன், ஜனனி ஐயர், ஷிவேதால், பாலா சரவணன், உள்பட பலர் நடித்துள்ள இந்த படத்தை ரோஹின் வெங்கடேசன் இயக்கியுள்ளார். ஜிப்ரான் இசையில் சி.வி.குமார் தயாரிப்பில் உருவாகியுள்ள இந்த படம் பிப்ரவரியில் வெளியாகலாம் என்று எதிர்பார்க்கப்படுகிறது.