சமீபத்தில் கலைப்புலி எஸ்.தாணு தயாரிப்பில் உருவாகியுள்ள 'தெறி' படத்தின் டீசர் இந்திய அளவில் பெரும் பரபரப்பை ஏற்படுத்திய நிலையில் அவர் தயாரித்து வரும் மற்றொரு பெரிய படமான 'கபாலி' படத்தின் டீசர் மார்ச் மாதம் வெளியாகும் என தயாரிப்பாளர் கலைப்புலி எஸ்.தாணு சற்று முன் அறித்துள்ளார்.

சூப்பர்ஸ்டார் ரஜினிகாந்த் நடித்து வரும் 'கபாலி' படத்திற்கு நாளுக்கு நாள் எதிர்பார்ப்பு அதிகரித்து கொண்டே வரும் நிலையில் இந்த படத்தின் டீசர் வெளியாகும் நாள் குறித்து தயாரிப்பாளர் தாணு கூறியபோது, "கபாலி` படத்தின் இறுதிக்கட்ட படப்பிடிப்புகள் மலேசியாவில் விறுவிறுப்பாக நடைபெற்று வருகிறது. பிப்ரவரி 20 அல்லது 25ஆம் தேதிக்குள் படப்பிடிப்பு முடிந்துவிடும். படக்குழு சென்னை வந்ததும் மார்ச் மாதம் இந்த படத்தின் டீசர் வெளியாகும் என அறிவித்துள்ளார்.

மேலும் இந்த படத்தின் அமெரிக்க ரிலீஸ் உரிமை ரூ.8.5 கோடிக்கு விற்பனை ஆகியுள்ளதாகவும், தெறி படத்தின் வியாபாரமும் விறுவிறுப்பாக நடைபெற்று வருவதாகவும் தாணு கூறியுள்ளார்.