கோலிவுட் திரையுலகின் முன்னணி தயாரிப்பாளர்களில் ஒருவராகிய கலைப்புலி எஸ்.தாணு தயாரித்த அடுத்த படமான 'துப்பாக்கி முனை' திரைப்படம் கடந்த அக்டோபர் மாதமே சென்சாரில் 'யூ' சான்றிதழ் பெற்று ரிலீசுக்கு தயாரான நிலையில் தற்போது ரிலீஸ் தேதி அறிவிக்கப்பட்டுள்ளது.

இந்த படம் டிசம்பர் 14ஆம் தேதி வெளியாகவுள்ளது. டிசம்பர் 20 மற்றும் 21 ஆகிய தேதிகளில் நான்கு முன்னணி நடிகர்களின் படங்கள் வெளியாகவுள்ள நிலையில் 'துப்பாக்கி முனை' திரைப்படம் டிசம்பர் 14ல் வெளியாகவுள்ளது என்பது குறிப்பிடத்தக்கது.

விக்ரம்பிரபு, ஹன்சிகா நடிப்பில் உருவாகியுள்ள இந்த படத்தை தினேஷ் செல்வராஜ் இயக்கியுள்ளார். ராசாமதி ஒளிப்பதிவில், எல்.வி.முத்துகணேஷ் இசையில், புவன் ஸ்ரீனிவாசன் படத்தொகுப்பில் உருவாகியுள்ள இந்த படத்தின் பாடல்களை புலமைப்பித்தன் எழுதியுள்ளார்.

With all your support, #ThuppakiMunai will be releasing worldwide from December 14! @iamVikramPrabhu #DineshSelvaraj pic.twitter.com/tSo66ahKJf

— Kalaippuli S Thanu (@theVcreations) December 5, 2018