கடந்த 25 ஆண்டுகளுக்கு முன்னர் மோகன்லால், பிரபு நடிப்பில் இயக்குனர் பிரியதர்ஷன் இயக்கத்தில் உருவான ’சிறைச்சாலை’ என்னும் பிரமாண்டமான திரைப்படம் மிகப்பெரிய வெற்றி பெற்ற நிலையில் தற்போது மீண்டும் இதே கூட்டணியில் உருவான ‘மரைக்காயர்’ என்ற படம் வரும் 26ஆம் தேதி ரிலீஸாகவுள்ளது. இந்த படத்தின் டிரைலரை நேற்று நடிகர் சூர்யா வெளியிட்டார் என்பதும் இந்த டிரைலர் மிகப்பெரிய வரவேற்பை பெற்றுள்ளது என்பதும் குறிப்பிடத்தக்கது

இந்த நிலையில் ‘சிறைச்சாலை’ படத்தை தமிழில் ரிலீஸ் செய்த கலைப்புலி எஸ்.தாணு தற்போது ‘மரைக்காயர்’ படத்தையும் ரிலீஸ் செய்யவுள்ளார். இந்த நிலையில் இந்த படம் குறித்து சற்றுமுன் அவர் தனது சமூக வலைத்தளத்தில் கூறியதாவது: சரித்திரத்தை தலைமுறைதாண்டியும் நிகழ்கால நிகழ்வு போல் காவியமாய் வடிவமைத்து ,புதிய சகாப்பதமாய் மோகன்லால் நடிப்பில் உருவான மரக்காயர் படத்தை வெளியிடுவதில் நாங்கள் பெருமை அடைகிறோம்.

பிரியதர்ஷன் இயக்கத்தில் மோகன்லால், பிரபு, அர்ஜூன், சுனில்ஷெட்டி, மஞ்சு வாரியர், கீர்த்தி சுரேஷ், சுஹாசினி உள்பட பலர் நடித்த ’மரைக்காயர்’ திரைப்படம் தமிழ் உள்பட அனைத்து மொழிகளிலும் மிகப்பெரிய வெற்றி பெறும் என எதிர்பார்க்கப்படுகிறது