சமீபத்தில் சூப்பர் ஸ்டார் ரஜினிகாந்த் மற்றும் தளபதி விஜய் ஆகிய இருவர் நடித்த 'கபாலி' மற்றும் 'தெறி' ஆகிய இரு படங்களையும் ஒரே நேரத்தில் தயாரித்து இரண்டு படங்களையும் வெற்றிப்படங்களாக ஆக்கியவர் பிரபல தயாரிப்பாளர் கலைப்புலி எஸ்.தாணு. இவருடைய மிகப்பெரிய பலமே வித்தியாசமாக படத்தை புரமோஷன் செய்வதுதான். குறிப்பாக 'கபாலி' படத்திற்காக விமானத்தில் இவர் செய்த புரமோஷன் உலகம் முழுவதும் ஆச்சரியத்தில் ஆழ்த்தியது

இந்த நிலையில் கலைப்புலி எஸ்.தாணு அவர்கள் தயாரிக்கும் அடுத்த பட அறிவிப்பு இன்று இரவு 7 மணிக்கு வெளியாகவுள்ளதாகவும், அந்த அறிவிப்பில் அவர் தயாரிக்கும் அடுத்த படத்தின் இயக்குனர் மற்றும் ஹீரோ குறித்த அறிவிப்பு இருக்கும் என்றும் எதிர்பார்க்கப்படுகிறது.

கலைப்புலி தாணு அவர்கள் தயாரிக்கும் அடுத்த பட ஹீரோ ரஜினி, விஜய், அல்லது தனுஷ் ஆகியோர்களில் ஒருவராக இருக்க வாய்ப்பு இருப்பதாக நெட்டிசன்கள் கமெண்ட் அளித்து வருகின்றனர்.