மணிரத்னம் இயக்கத்தில் உருவாகியுள்ள 'பொன்னியின் செல்வன் 2' திரைப்படம் நாளை உலகம் முழுவதும் வெளியாக இருக்கும் நிலையில் இந்த படத்தை முதல் நாள் முதல் காட்சி பார்க்க ஏராளமான ரசிகர்கள் மிகவும் ஆர்வத்துடன் உள்ளனர் என்பது தெரிந்ததே.

இந்த நிலையில் 'பொன்னியின் செல்வன் 2' திரைப்படத்தை தனது மதுராந்தகம் தியேட்டரில் ரிலீஸ் செய்யும் கலைப்புலி எஸ் தாணு அவர்கள் அந்த தியேட்டரை ஜொலிக்க வைக்கும் அளவுக்கு மின்விளக்குகளால் அலங்கரித்துள்ளார். இது குறித்த புகைப்படங்கள் மற்றும் வீடியோக்கள் இணையதளங்களில் வைரல் ஆகி வருகிறது.

ஏற்கனவே தமிழ்நாட்டில் உள்ள பல திரையரங்குகளில் 'பொன்னியின் செல்வன் 2' படத்தின் கட்டவுட்டுகள் மின்விளக்குகளால் ஜொலித்து வரும் நிலையில் மதுராந்தகம் தியேட்டரை ஸ்பெஷல் ஆக கலைப்புலி யஸ் தாணு அவர்கள் அலங்கரித்துள்ளார். இதனை அந்த பகுதியில் உள்ள ரசிகர்கள் ஆச்சர்யத்துடன் பார்த்து வருகின்றனர் என்பது குறிப்பிடத்தக்கது.

விக்ரம், கார்த்தி, ஜெயம் ரவி, ஐஸ்வர்யா ராய், த்ரிஷா, விக்ரம் பிரபு, பிரபு, ஜெயராம், ஐஸ்வர்யா லட்சுமி, சரத்குமார், பார்த்திபன், பிரகாஷ்ராஜ், ரகுமான், கிஷோர், அஸ்வின், நிழல்கள் ரவி, ரியாஸ்கான், லால், மோகன் ராமன், பாலாஜி சக்திவேல் உள்பட பலர் நடித்துள்ள ‘பொன்னியின் செல்வன் 2’ படத்திற்கு இசைப்புயல் ஏ ஆர் ரகுமான் இசையமைத்துள்ளார்.