சூப்பர் ஸ்டார் ரஜினிகாந்த் அவர்கள் அரசியல் கட்சி தொடங்குவாரா? மாட்டாரா? என்ற விவாதம் இன்னும் நடந்து கொண்டிருக்கிறது கடந்த இரண்டு நாட்களுக்கு முன்னர் அவர் செய்தியாளர்களை சந்தித்து தன்னுடைய அரசியல் கட்சி மற்றும் கொள்கைகள் குறித்து விளக்கமளித்த பின்னரும் அவர் கட்சி ஆரம்பிக்க மாட்டார் என்றும், போரிலிருந்து விலகி விட்டார் என்றும், பயந்து விட்டார் என்றும் பல்வேறு கருத்துக்கள் பரவி வருகின்றன. இருப்பினும் அவரது ரசிகர்கள் கண்டிப்பாக ரஜினிகாந்த் அரசியலுக்கு வருவார் என்றும் தமிழக அரசியலில் ஒரு மாற்றம் ஏற்படும் என்றும் நம்பிக்கையுடன் உள்ளனர்

இந்த நிலையில் ரஜினிகாந்த் செய்தியாளர்களை சந்தித்த பின்னரும் அவரை பல்வேறு அரசியல் கட்சி தலைவர்கள், அரசியல் விமர்சகர்கள் மற்றும் திரையுலக பிரமுகர்கள் அவ்வப்போது சந்தித்து ஆலோசனை நடத்தி வருகின்றனர்

இந்த நிலையில் சற்று முன் தமிழ் சினிமாவின் முன்னணி தயாரிப்பாளர்களில் ஒருவரான கலைபுலி எஸ் தாணு அவர்கள் ரஜினியை சந்தித்து பேசி உள்ளதாக செய்திகள் வெளிவந்துள்ளது. அவர் ரஜினியை எதற்காக சந்தித்தார்? அவரது கட்சியில் இணையபோகிறாரா? அல்லது ரஜினியின் அடுத்த படத்தை தயாரிக்கப் போகிறாரா? என்பது குறித்த விவரங்கள் இன்னும் சில நிமிடங்களில் வெளிவரும் என்று எதிர்பார்க்கப்படுகிறது