சூப்பர் ஸ்டார் ரஜினிகாந்த் நடிப்பில் உருவாகி வரும் '2.0' மற்றும் 'காலா; ஆகிய இரண்டு திரைப்படங்களும் இவ்வருடம் ரிலீஸ் ஆகும் என்பது ஏற்கனவே தெரிந்திருந்தாலும் இரண்டில் எந்த படம் முதலில் வெளியாகும் என்பதை அறிய ரஜினி ரசிகர்கள் மிகவும் ஆவலுடன் உள்ளனர்.

'2.0' திரைப்படம் வரும் ஏப்ரலில் ரிலீஸ் ஆகும் என்று தயாரிப்பு தயாரிப்பு கூறியுள்ளது. இருப்பினும் கிராபிக்ஸ் காட்சிகளின் பணிகளால் இன்னும் காலதாமதம் ஆக வாய்ப்பு இருப்பதாக கூறப்படுவதால் இந்த படத்திற்கு முன்பே காலா வெளியாகுமா? என்ற எதிர்பார்ப்பு அதிகரித்து வந்தது.

இந்த நிலையில் 'காலா; திரைப்படத்தின் அதிகாரபூர்வ ரிலீஸ் தேதி மற்றும் ரஜினியின் மாஸ்+ஸ்டைல் போஸ்டர் இன்று இரவு ஏழு மணிக்கு வெளியாகவுள்ளதாக தனுஷ் தனது சமூக வலைத்தளத்தில் அறிவித்துள்ளார். இந்த தகவல் ரஜினி ரசிகர்களுக்கு உற்சாகத்தை அளிக்கும் என்பதை சொல்லவும் வேண்டுமா?