జ‌య‌ల‌లిత‌గా కాజోల్‌
- IndiaGlitz, [Tuesday,April 09 2019]
త‌మిళ‌నాడు రాజ‌కీయాల్లో పుర‌ట్చి త‌లైవి జ‌య‌ల‌లితది ప్ర‌త్యేక స్థానం. ఈ దివంగ‌త ముఖ్య‌మంత్రి జీవిత‌క‌థ‌ను సినిమా రూపంలో తెర‌కెక్కిస్తున్న సంగతి తెలిసిందే. ఇప్ప‌టికే జ‌య‌ల‌లిత‌పై మూడు బ‌యోపిక్స్ రూపొందుతుండ‌గా .. సోమ‌వారం మ‌రో బ‌యోపిక్ గురించిన వార్త ప్ర‌క‌టించారు ద‌ర్శ‌క నిర్మాత కేతిరెడ్డి జ‌గ‌దీశ్వ‌రరెడ్డి. 'శ‌శిల‌త' పేరుతో తెర‌కెక్క‌బోయే ఈ బ‌యోపిక్‌లో జ‌య‌ల‌లిత పుట్టిన‌రోజు నుండి చ‌నిపోయే వ‌ర‌కు జ‌రిగిన ముఖ్య ప‌రిణామాల‌ను చూపిస్తార‌ట. అలాగే జ‌య‌ల‌లిత, శ‌శిక‌ళ మ‌ధ్య స్నేహ బంధం గురించి కూడా ఇందులో చూపిస్తామ‌ని తెలిపారు కేతిరెడ్డి. ఈ సినిమాలో జ‌య‌ల‌లిత పాత్ర కోసం బాలీవుడ్ న‌టి కాజోల్‌ను .. శ‌శిక‌ళ పాత్ర కోసం అమ‌లాపాల్‌ను తీసుకోవాల‌నుకుంటున్నామ‌ని కూడా ఈ సంద‌ర్భంగా ఓ ప‌త్రిక‌కు తెలియ‌జేశారాయ‌న.