క్వీన్ గా కాజల్
- IndiaGlitz, [Saturday,August 26 2017]
బాలీవుడ్‌లో కంగ‌నార‌నౌత్ ప్ర‌ధాన‌పాత్ర‌లో రూపొందిన చిత్రం క్వీన్'. ఈ చిత్రంలో కంగనా అద్భుత న‌ట‌న ప్ర‌ద‌ర్శించి ప్రేక్ష‌కులు, విమ‌ర్శ‌కుల ప్ర‌శంస‌లు అందుకుంది. ఈ చిత్రంతో కంగనా నెంబ‌ర్‌వ‌న్ హీరోయిన్ అయిపోయింది. ఈ చిత్రాన్ని సౌత్‌లో రీమేక్ చేయాల‌ని రెండేళ్లుగా ప్ర‌య‌త్నాలు జ‌రుగుతున్నాయి.
'క్వీన్' చిత్రాన్ని తెలుగు, త‌మిళంలో రేవ‌తి డైరెక్ట్ చేయ‌నుండ‌గా, సుహాసిని డైలాగ్స్ అందించ‌నున్నారు. త‌మిళంలో హీరోయిన్‌గా త‌మ‌న్నా న‌టిస్తుంద‌ని వార్త‌లు వ‌చ్చినా, త‌మ‌న్నా ఎందుక‌నో రీమేక్‌లో న‌టించ‌డానికి నో చెప్పేసింది. ఇప్పుడు నిర్మాత‌లు త‌మ‌న్నా స్థానంలో కాజల్ అగ‌ర్వాల్‌ను న‌టింప చేయ‌డానికి ప్ర‌య‌త్నాలు చేస్తున్నార‌నే వార్త‌ల‌కు తెర‌ప‌డింది. క్వీన్‌గా కాజల్ న‌టించ‌డం ఖాయ‌మైంది. హీరోయిన్‌గా ప‌దేళ్ల కెరీర్‌ను పూర్తి చేసుకున్న‌ప్ప‌టికీ కాజల్ ఇంకా అవ‌కాశాలు వ‌స్తూనే ఉన్నాయి. తాజాగా నేనే రాజు నేనే మంత్రి, వివేకం సినిమాల్లో కాజల్ న‌టించింది. క్వీన్ చిత్రం క‌న్న‌డ రీమేక్ అల్రెడి స్టార్ట్ అయ్యింది. త్వ‌ర‌లోనే త‌మిళంలో రూపొంద‌నుంది.