బెల్లంకొండ సురేష్ తనయుడిగా తెలుగు ఫిలిం ఇండస్ట్రీలోకి అడుగుపెట్టిన హీరో బెల్లంకొండ శ్రీనివాస్. అల్లుడు శీను` , స్పీడున్నోడు` , జయ జానకి నాయక` వంటి సినిమాలతో ప్రేక్షకుల ముందుకు వచ్చినా.. ఏ సినిమాకూడా ఈ హీరోకి కమర్షియల్ గా బ్రేక్ ఇవ్వలేదనే చెప్పాలి. కాని ఈ యంగ్ హీరో సరసన టాప్ హీరోయిన్లు కథానాయికలుగా నటిస్తుండ‌డం విశేషం. ఇప్పుడు శ్రీనివాస్ నటించబోయే అప్ క‌మింగ్ సినిమాలో కూడా మరో స్టార్ హీరోయిన్ న‌టించ‌బోతోంద‌ని వార్త‌లు వినిపిస్తున్నాయి.

ఆమె మ‌రెవ‌రో కాదు.. టాలీవుడ్ చంద‌మామ‌ కాజల్ అగర్వాల్. తన పాత్రతో పాటు కథ కూడా బాగా న‌చ్చ‌డంతో కాజ‌ల్ ఈ సినిమా చేసేందుకు ఆసక్తితో ఉన్నారని టాలీవుడ్‌లో కథనాలు వినవస్తున్నాయి. ఈ ఏడాది ప్ర‌థ‌మార్థంలో చిత్రీక‌ర‌ణ‌ జరుపుకోబోయే ఈ చిత్రంతో నాని దర్శకుడిగా పరిచయం కానున్నారు. ప్రస్తుతం శ్రీనివాస్‌.. శ్రీవాస్ దర్శకత్వంలో తెరకెక్కుతున్న సాక్ష్యం`లో నటిస్తున్నారు. పూజా హెగ్డే నాయికగా నటిస్తున్న ఈ సినిమా చిత్రీకరణ తుది ద‌శ‌కు చేరుకుంది. ఈ మూవీ తర్వాత ఓంకార్ డైరెక్షన్‌లో క్రీడా నేపథ్యంలో సాగే కథలో.. వాలీబాల్ క్రీడాకారుడిగా క‌నిపించ‌బోతున్నాడు శ్రీ‌నివాస్‌.