పారిస్ పారిస్ అంటున్న కాజల్
- IndiaGlitz, [Sunday,September 24 2017]
ఖైదీ నెం.150, నేనే రాజు నేనే మంత్రి చిత్రాల‌తో ఈ ఏడాదిలో బ్యాక్ టు బ్యాక్ హిట్స్ సొంతం చేసుకుంది టాలీవుడ్ చంద‌మామ కాజల్. ప్ర‌స్తుతం ఈ ముద్దుగుమ్మ క‌ల్యాణ్‌రామ్‌కి జోడీగా ఎం.ఎల్‌.ఎ చిత్రంలో హీరోయిన్‌గా న‌టిస్తోంది. అలాగే త‌మిళంలో విజ‌య్‌తో క‌లిసి నటించిన మెర్స‌ల్ (అదిరింది) దీపావ‌ళికి విడుదల కానుంది.
ఇదిలా ఉంటే.. హిందీలో ఘ‌న‌విజ‌యం సాధించిన క్వీన్‌కి రీమేక్‌గా రూపొందనున్న త‌మిళ చిత్రంలో కాజల్ న‌టించ‌నున్న సంగ‌తి తెలిసిందే. న‌టుడు ర‌మేష్ అర‌వింద్ ద‌ర్శ‌క‌త్వంలో రూపొందే ఈ చిత్రానికి పారిస్ పారిస్ అనే టైటిల్‌ని క‌న్‌ఫ‌ర్మ్ చేశారు. క‌న్న‌డంలో కూడా ఆయ‌నే ద‌ర్శ‌క‌త్వం వ‌హిస్తున్నారు. త్వ‌ర‌లోనే పారిస్ పారిస్ సినిమా సెట్స్ పైకి వెళ్ల‌నుంది. ఇదిలా ఉంటే.. క్వీన్ తెలుగు రీమేక్‌లో త‌మ‌న్నా, మ‌ల‌యాళ రీమేక్‌లో మంజిమా మోహ‌న్ న‌టించ‌నున్నారు.