కాజల్ ఆ సినిమా కోసం ఏం చేస్తుందో తెలుసా?
- IndiaGlitz, [Wednesday,August 07 2019]
హీరోయిన్‌గా దశాబ్దంపైగానే రాణిస్తూ ఇంకా కుర్ర హీరోయిన్స్‌కు గట్టిపోటీనిస్తుంది కాజల్ అగర్వాల్. ప్రస్తుతం ఈ అమ్మడు 'భారతీయుడు 2'లో నటించాల్సి ఉంది. అయితే ఏదో ఆషామాషీగా కాకుండా కాజల్ గట్టిగానే సిద్ధమవుతోందని కోలీవుడ్ వర్గాల సమాచారం. కేరళ మార్షల్ ఆర్ట్ కలరిపట్టులో ప్రత్యేక శిక్షణను తీసుకుంటుందట.
ఆగస్ట్‌లో ప్రారంభమయ్యే షెడ్యూల్‌లో కాకుండా నవంబర్‌లో ప్రారంభం కాబోయే షెడ్యూల్‌లో కాజల్ జాయిన్ అవుతున్నారని సమాచారం. కమల్ హాసన్, శంకర్ కాంబినేషన్‌లో రూపొందుతున్న ఈ సినిమాలను లైకా ప్రొడక్షన్స్ సంస్థ నిర్మిస్తుంది. ఇంకా ఈ చిత్రంలో సిద్ధార్థ్, రకుల్ ప్రీత్ సింగ్, ప్రియా భవానీ శంకర్ కూడా నటిస్తున్నారు.