అందాల చంద‌మామ కాజ‌ల్ అగ‌ర్వాల్‌కి అరుదైన గౌర‌వం ద‌క్కుతుంది. ఇంత‌కు ఆమెకు ద‌క్కుతున్న గౌర‌వ‌మేమిటంటే.. సింగ‌పూర్‌లోని మేడ‌మ్ టుస్సాడ్స్‌లో కాజ‌ల్ అగ‌ర్వాల్ మైన‌పు విగ్ర‌హాన్ని ఏర్పాటు చేస్తున్నారు. అక్క‌డి నుండి వ‌చ్చిన ప్ర‌తినిధులు కాజ‌ల్ విగ్రహానికి సంబంధించిన కొల‌త‌ల‌ను తీసుకున్నారు. ఈ విష‌యాన్ని కాజ‌ల్ త‌న సోష‌ల్ మీడియా అకౌంట్ ద్వారా తెలియ‌జేశారు. కాజ‌ల్ అగ‌ర్వాల్ జుట్టు, శ‌రీరం, క‌ళ్ల రంగుతో పాటు, ముఖం కొల‌త‌ల‌ను తీసుకున్నారు.

``ఫిబ్ర‌వ‌రి 5 సింగ‌పూర్ మేడ‌మ్ టుస్సాడ్స్‌లో నా మైన‌పు విగ్ర‌హాన్ని ఏర్పాటు చేయ‌బోతున్నారు. చాలా సంతోషంగా ఉంది. టుస్సాడ్ మ్యూజియంకి వెళ్లి అక్క‌డి విగ్ర‌హాల‌ను చూసి ఆనందప‌డేదాన్ని. ఇప్పుడు వాటి ప‌క్కన నా విగ్ర‌హాన్ని ఏర్పాటు చేయ‌నుండ‌టం ఆనందంగా ఉంది. గౌర‌వంగా భావిస్తున్నాను. క‌ష్టానికి, వ్య‌క్తిగ‌త త్యాగానికి మంచి గుర్తింపు ల‌భిస్తుంది. ఇన్నేళ్లు మ‌ద్దతు ఇచ్చినంద‌రికీ కృత‌జ్ఞ‌త‌లు`` అన్నారు.

ప్ర‌స్తుతం కాజ‌ల్ అగ‌ర్వాల్ క‌మ‌ల్‌హాస‌న్‌, శంక‌ర్ కాంబినేష‌న్‌లో రూపొందుతోన్న ఇండియ‌న్ 2లో న‌టిస్తుంది. మ‌రో ప‌క్క ఈమె న‌టించిన క్వీన్ రీమేక్ విడుద‌ల‌కు సిద్ధంగా ఉంది.